 |
    |
    |
 |
    |
    |
 |
| కీర్తనలు | తూము నరసింహదాసు | రామా నీ వెందున్నవాడవో భక్తరాజి రక్షణమును బూనవో |
| శంకరాభరణము - ఆట |
| పల్లవి: |
| రామా నీ వెందున్నవాడవో భక్తరాజి రక్షణమును బూనవో సామరజనములు పండితజనములు - తామసజనములు తవిలి బాధింపగ |
| చరణము(లు): |
| నీసేవ నీపూజ నీనామస్మరణ నీపాదధ్యానము నిక్కమటంచు (దు)డాసి భంగము సేయదలచి పిశాచములవలె నేడుకొల్పగ జూచి చూడకయున్న నెక్కడనె జూతు మెవ్వరు దిక్కు సీతా |
| పరగ ప్రహ్లాదద్రౌపదిదంతివరులు బలిమివిభీషణాది సద్భక్తవరులు (దు) మరియు నారదప్రముఖులెల్లరు నరసి నీచరణాబ్జములు గని తరముగాని భవాబ్ధిదాటుట దలచి నమ్మితి దారి దెలియదు |
| శుకశౌనకాది వాసుకి సనందాది ప్రకట యోధులు నిన్ను బ్రార్థించి మించి (దు) యొకటి బహుసులభమని భాగవతపురాణ సుధాబ్ధి ద్రవ్వి రకట నే నది గాంచి వాంఛను నాసచే దప్పిగొని చేరితి |
| కలయోనులను బుట్టి కర్మకాండమును జేసి కడముట్టకెల్ల (దు) బలుపుగల దుఃఖములపాలై బడలి సద్గురుకరుణజేసి సలలితాంఘ్రులు గాంచగోరితి సామి యింత పరాకికేటికి |
| దురితులలోఁగడు దుష్టుడనైతిని కరుణచే దాససంగతి గల్గి వడ నీ (దు) భరముగల సంసృతిని విడి యీతరిని శ్రీనరసింహదాసా ఖ్యరసిక జనములు నిల్ప ధన్యతగాంచితిని భద్రాద్రి శ్రీరఘు |