 |
    |
    |
 |
    |
    |
 |
| కీర్తనలు | తూము నరసింహదాసు | శరణాగత పోషణా దాసర్చిత |
| బిలహరి - చాపు |
| పల్లవి: |
| శరణాగత పోషణా దాసర్చిత చరణ సద్గుణసాగరా |
| అనుపల్లవి: |
| దరి నీవే యని వేడ దయ జూడరాదా కరుణతో రక్షింప గతి వీవెకాదా |
| చరణము(లు): |
| పిలిచిన పలుకవు బిరు దదిగాదా యలుక లేటికి ప్రోవ వది మరియాదా |
| పగవాని రమ్మని పాలింపలేదా అగడుచేసిన నీకే అపకీర్తిగాదా |
| మనవి దెల్పినను నీమది జాలిగాదా ఘనముగ రక్షింప గడుదయరాదా |
| వరభద్రాచల రఘువర యాది లేదా యరసి రక్షించుట కది నీవెకాదా |
| కరిమొర విని వేగ గరుణించ లేదా కరుణతో నరసింహు గరుణింప రాదా |