 |
    |
    |
 |
    |
    |
 |
| కీర్తనలు | తూము నరసింహదాసు | రామ భద్రాద్రిధామా శరణన్న నేటిది మేరా |
| ఆహిరి - చాపు |
| పల్లవి: |
| రామ భద్రాద్రిధామా శరణన్న నేటిది మేరా అంతట నీవేగతియని నేనాశించితినయా |
| చరణము(లు): |
| రంగుగ నీ నవరత్న కిరీటము రమ్యత జూపుమంటి ముదముతోడి నీ ముంగురులిటు చూపి ముచ్చటాడుమంటి |
| కరుణతోడ నీ కస్తూరితిలకము కన్నుల జూపుమంటి సురుచిరమగు నీసోగకన్నుల నన్ను జూచి బ్రోవుమంటి |
| పొందగు మకరము బోలు కపోలము సుందరతను గంటి అందమయిన నీ మందహాస మిపు డిందు జూపుమంటి |
| సంతతంబునను సదయహృదయమున జాల నుంచుమంటి కంతుజనక నీకాంచనచేలము గానుపించుమంటి |
| కర మరుదుగ నీకోదండము జూపి కఱవు దీర్పుమంటి కంకణములు గల కరయుగములు మదిని గోరుచునుంటి |
| అందెలు గజ్జెలు గల మృదుపదములు నమర జూపుమంటి మేఘశ్యామల సుందరమగు నీమేను మేల్మి జూపుమంటి |
| పతితుల నేలెడి బిరుదు గలదని ప్రఖ్యాతిగ వింటి నరుడను జడుడను జ్ఞానహీనుడను నన్నేలు మటంటి |
| అత్యాశకుడని అరమరసేయక యరసి ప్రోవుమంటి జంట బాయకను వెంట నుండి నాయింట నుండుమంటి |
| నీదాసులవలె నే సేవజేయుటకు నేర్పు నేరనంటి ధరణి భద్రగిరి వరదరామదాసుని దయ నేలుమంటి |