ఆంధ్రభారతి - క్షేత్రయ్య మువ్వ గోపాల పదములు - ఇన్నాళ్ళు మల్లాడిన

మోహన - ఆది

(నాయిక: స్వీయ - స్వాధీనపతిక)

పల్లవి:

ఇన్నాళ్ళు మల్లాడిన - దిందు కోసమా?

అను పల్లవి:

మన్నించి నాపై దయ - మరువ వద్దమ్మలార ఇన్నా..

చరణము(లు):

మనసు గట్టి చేసుక - మగువలార! వాని మీరు
కనుగొన వద్దనగానే - కనగోరుట
తనువు కాసించిగాదు - తగిన చవిలేదాయె
నని మీరు వెతజెంది - యసు రుసురనేరని ఇన్నా..

వానిమాయల బెల్లి - వగల మాటల మీరు
వీనుల వినవద్దనగానే - వినగోరుట
మానవతులార! నాదు - మనసు తెలిసిన సఖిని
గాన మైతిమని మిగుల - కన్నీరు నించేరని ఇన్నా..

పలుమారు మా మువ్వ గో - పాలరాయని మీరు
కలయవద్దనగానే - కలయగోరుట
కలనైన నా మాట - గడువవద్దని మీరు
తలచి జాలిచే చాలా - తల్లడమందేరని ఇన్నా..