ఆంధ్రభారతి - క్షేత్రయ్య మువ్వ గోపాల పదములు - పచ్చియొడలి దానర! పచ్చియొడలి దాన

ఆహిరి - చాపు

(నాయిక: స్వీయ - స్వాధీనపతిక)

పల్లవి:

పచ్చియొడలి దానర! పచ్చియొడలి దాన - పాపడు నిలువడు

అను పల్లవి:

వచ్చికూడుటకు - వేళకాదు
వచ్చె తాళవోయి - వదలను నీపొందు -
మచ్చిక నొయ్యారి - మా మువ్వగోపాల! పచ్చి..

చరణము(లు):

మిసమిసలాడేటి - నొసటి సొంపుచూచి
కొసరి పైకొనేవు - కొల్లలుగా
కసరితే నొక వింత - గారాబు జేసేవు
రసికుడ! యీ వేళ - రారాదు పోపోరా పచ్చి..

పట్టకురా ఱొమ్ము - పాలంటు జేతుల
ఎటు లోర్తును పరు - లేమందురు
వట్టిపోతే మొఱ - పెట్టును పసిబిడ్డ
అట్టె మనసు బిగ - బట్టుకో రెణ్ణెల్లు పచ్చి..

కారము తిన్నాను - కరకరలాడీని
ఈ రేయి శ్రీరం - గేశుడ!
మరుకేళిగూడ - మా మువ్వగోపాల!
ఆరడిపెట్టకు - మోరి! నా సామి! పచ్చి..