జననాథుచే నీవు సచ్చుట నిజము
ఒనరంగఁబసిఁడిచే నొరయు నిత్తడియు
గనకాద్రితో నద్రి, ఘనునితో మూర్ఖు,
దిననాథుతో గృహదీపంబు పేర్మి,
శ్రీతరుతో వేము, సిరితోడ లేమి,
బూతంబుతో నక్క పురణించినట్లు
తన్నంటుకొనువారు తనయంతలనుచు
బిన్నబిడ్డలమాడ్కిఁ బ్రేలెద వీవు?
మేర యెఱుంగక మీఱి పల్కెదవు?
నా రఘురాముతో నలవియే నీవు?
ఒకలంక యేలుచు నుండుదు వీవు?
సకలలోకములకు స్వామి రాఘవుఁడు
అఖిలకంటకుఁడ వీవన్నిలోకముల
నఖిలలోకారాధ్యుఁ డా రాఘవుండు
నిర్మల గుణయశోనిధి రాఘవుండు
కర్మసంచార వికారివి నీవు
వేదంబులకునెల్ల వేల్పు రాఘవుఁడు
వేదవేద్యులఁజంపు వెఱ్ఱివి నీవు
గురుజనాశ్రితులకు గురుఁడు రాఘవుఁడు
దొరకొని యట గురుద్రోహివి నీవు
సర్వజీవులకెల్ల సముఁడు రాఘవుఁడు
సర్వజీవముల భక్షకుఁడవు నీవు
ఉన్నతోన్నతుఁడైన యుర్వీశ్వరునకు
నెన్నిసా(ళు)రెలపెట్టు నెఱుగవు నీవు
ఇంద్రుఁడుఁజంద్రుండు నినుఁడుఁగాఁ డతఁడు
నింద్రాదివంద్యుండు నినవంశజుండు
నిన్ను మర్దించియు నీ పేరు మాన్చి
నన్నుఁగొంపోయెడి నమ్ము మింతటికి
నాకు నీకును సాక్షి ననుఁదెచ్చు నపుడు
గైకొని యొకపక్షి కడఁగి యేతెంచి
నీ లావు శక్తియు నీ పరాక్రమము
నేలపాలుగఁజేసి నెఱి వ్రేసి నిలువఁ
గపటభాషలు వల్కి ఘనపక్షినాథుఁ
జపలత నణఁచిన చండివి గావె?
అనద రాజ్యవిహీనుఁ..........
..........
..........
....దొడరి భర్జించి

చంద్రహాసంబెత్తి జానకి నేయ
నింద్రారి గమనించునెడఁగేలుఁబట్టి
యమలమందోదరి యడ్డమై నిలిచి
కొమరొప్పఁబలికె నా కుమతియౌ విభుని
దండిమై నెదిరిన ధరణిపాలకుఁడె?
ఖండింప నీకు? నీ కాంత దైత్యేశ!
(ఎన్ని చెప్పిన విన వేమి సేయుదును?
నిన్ననఁబని యేమి నీ పురాకృతము)
మ్రుచ్చిలి పరసతి మునుఁదెచ్చుటొకటి
చెచ్చెఱ భువి నిందఁ జెందుట రెండు
తెగువతోడుతఁబట్టి తెచ్చినమొదలు (సతియు)
పగఁగొని యుండు టేర్పఱుపఁగామూఁడు
నొనర దుర్భుద్ధి నా యువిదను గూడి
యనుభవించెద నను టారయ నాల్గు
కన నుత్తమ స్త్రీలఁ గడఁగి పల్మాఱు
వినరానిపల్కులు వెసఁబల్కు టేను
గామ మణఁపలేక కామిని జంపఁ
దా మది నెంచుట దనుజేశ!యాఱు
తగ వెంచనేర కెంతయుఁజేసి తుదిని
మగఁటిమి వోపుల(వుట)మఱియును నేడు(?)
నేడు చేటులు నయ్యె నీ యింతివలన
నేడు గడవగరాదు (ని)నిజముగా నెన్నఁ (బుద్ధినెంత)
బొరిఁబాతకంబులపుట్ట యీ మేను
దొఱఁగిన సద్గతి దొరుకునె నీకు?
బొలిసెనే నీ బుద్ధి? పొలిసెఁబొమ్మనుచుఁ
బలికి తొలగింపఁబతిచేతి వాలు
కడు సిగ్గువడి..........
..........