ఉత్తరరామాయణము - దేవతలు బ్రహ్మ యొద్దకుఁ బోయి యింద్రుని పరాజయము సెప్పుట - ఆంధ్రభారతి

దేవతలు బ్రహ్మ యొద్దకుఁ బోయి యింద్రుని పరాజయము సెప్పుట

తే.గీ.	అవధరింపుము కుంభసంభవ మహర్షి చంద్రుఁ డిట్లను శ్రీరామచంద్రుఁ జూచి రఘుకులాధీశ! యీ రీతి రావణాత్మ జుండు సురపతిఁగాని లంకఁ జొచ్చుటయును	2
శా.	ఆశ్చర్యార్తిభయాత్ములయ్యు వసురుద్రాదుల్‌ సుధాశిద్విష త్పశ్చాద్భాగముఁజేరి కొంతవడి బద్ధస్పర్థఁబోరాడి త ద్దోశ్చక్రాసిగదా పరశ్వధముఖాస్తోకాయుధస్తోమముల్‌ విశ్చేష్టత్వముఁ జెందఁ జేయుటయు శ్రాంతిం బొంది వారందఱున్‌	3
మ.	ఒకచో గుంపులు గూడి దీనముఖులై యుచ్ఛ్వాసముల్‌ నించుచున్‌ వికలత్వంబున వైరిఁగాంచుచు నయో వృత్రాది దైత్యచ్ఛిదా ధిక తేజోనిధి కింత వంత వొడమెన్‌ దేవత్వమున్‌ రాక్షస ప్రకరాధఃకృత మయ్యెఁ గాలగతి మాన్పం గూడ దెవ్వారికిన్‌	4
తే.గీ.	ఏమి సేయుద మింతకు హేతు వల వి ధాత గద! యమ్మహాత్మున కీ తెఱంగు విన్నపము సేసి తద్వచోవృత్తి మెలఁగ నన్నిటికి మేలని తలంచి యపుడ కదలి	5
సీ.	ఎదురుగా వచ్చి దేవేంద్రునిఁ బొడఁగాన - కల్ల స్వర్గమువారు తల్లడిల్ల నింద్రు నంతటివాని కెంతవచ్చె నటంచు - వనట సువర్లోకవాసు లడల జేజేలు తండ్రిఁ బాసిన ప్రజలై రయో - యని చూచి జనలోకజనులు వగవ శతమన్యుఁ జెఱఁబట్టఁ జాలిరే పగవార - లని తపోలోకంబు మునులు బెగడ
గీ.	వాసవుం డెందుఁ జనెనొ వివర్ణులగుచు నమరులేటికి వచ్చిరో యనుచు సత్య లోకమునఁ గాపురంబున లోకు లరయ జలజగర్భుని సభఁ జేరఁ జనిరి సురలు	6
మ.	చని నానావిధ దివ్యరత్నమయభాస్వన్నవ్య శిల్పంబులం గన నై నైకవిధావతార కమలాక్ష శ్లాఘ్య చిత్రాతి చి త్ర నవస్ఫాటిక కుడ్యహారిరుచులన్‌ దళ్కొంది యాత్మప్రకా శ నిరూఢోన్నతి దివ్యమౌ నొక మహాసౌధాగ్రభాగంబునన్‌	7
సీ.	కపిలమార్కండేయ కణ్వాదిమునిశిఖా - మణులతో నొక మోము మాటలాడ నిఁకఁజేయఁదగు సృష్టి యిది సేయుఁడని యుప - బ్రహ్మల కొకమోము బదులు వలుక భావగర్భములాడు భాషావధూటితో - నొకమోము నగుచు నర్మోక్తి నుడువ నప్సరఃకమలాస్య లాడులాస్యము లొక్క - మొగము చూచుట కాభిముఖ్య మొంద
గీ.	సర్వతోముఖ చాతుర్య ధూర్వహత్వ మొంది డెందంబు చెలువంద నున్నతాబ్జ రాగసింహాసనస్థుఁడై రాజసమునఁ బెద్ద కొలువున్న జేజేల పెద్దఁగనిరి	8
మ.	కని యాదిత్య మరుద్వసు ప్రముఖ లేఖశ్రేష్ఠు లా పెద్దవే ల్పునకుం జాఁగిలి మ్రొక్కి మోడ్చిన కరాంభోజాతయుగ్మంబు లా త్మ నిటాలంబులఁజేర్చి నిల్చిన దయాధౌరేయుఁడై మీరు వ చ్చిన కార్యం బదియేమి? తెల్పుఁడని రాజీవాసనుండాడినన్‌	9
మ.	అమరుల్‌, స్వామి! పరాకు నేఁ డమరలోకారాధ్యుఁడౌ నింద్రునిన్‌ సమరక్షోణి నెదిర్చి రావణతనూజాతుండు బంధించి, దు ర్దమశౌర్యంబునఁ గొంచుఁబోయెఁబురికిన్‌ దద్ఘోరమాయామహ త్త్వమునన్‌ మేమును దూలి వచ్చితిమి మా తాపంబు వారింపవే!	10
ఉ.	గట్టుల మట్టువెట్టు బలుకైదువుఁబట్టినయట్టి దిట్టఁడున్‌ దిట్టతనంబువాసి పొలదిండికి లోఁబడి గాసిఁ జెందఁగా నెట్టు సహింపవచ్చు? జగదీశ ! యశక్తుని చందమొంది చూ పెట్టుక యుండనేల ? విడిపింపఁగదయ్య ! నిలింపనాథునిన్‌	11
మ.	అని ప్రార్థించు దివాటకోటిఁగని యాహా! యెంత కార్యంబు వ చ్చె నిలింపాగ్రణి కంచు ధాత కరుణాస్ఫీతాత్ముఁడై లేచి కొ ల్వున నున్నందఱు గొల్వ వెల్లజిగి పుల్గుందేజిపై నెక్కి గ్ర క్కన లంకాపురికేఁగెఁ జారణముఖుల్‌ గైవారముల్‌ సేయఁగన్‌	12