3. గోతమీపుత్రశాతకర్ణి

నాసికపట్టణములోని కొండ చివరియందలి యొక శాసనములో నితని గురించి యున్నది. ఇతని తల్లి గోతమి. ఇతఁడు రాజాధిరాజు. ధాన్యకటకము రాజధాని. మహేంద్ర వింధ్యావత పారియాత్ర సహ్య కృష్ణగిరి చకోరాది పర్వతము లితని రాజధానిలోనివి. విద్యానిధి. ఇతడొక్కడే ప్రజ్ఞావంతుఁడు. ధనుర్విద్యా విశారదుఁడు. ఇతని పరాక్రమము నాభాగ నహుష జనమేజయ సగర యయాతి రామాంబరీషాదులను మించియుండెను. ఇవి శాసనములోని కొన్ని మాటలు. శక యవన హూణులు పరదేశీయులు వచ్చి భారతదేశ మాక్రమించుకొనిరి. వారిలో క్షాత్రపు లనువా రొక తెగ; నహపానుఁ డను వాఁడు మహాక్షాత్రపు డను బిరుదుతో సౌరాష్ట్ర మాక్రమించుకొని కొంతవఱ కాంధ్రరాజ్య విజృంభణము నాపినాడు. ఈ గోతమీపుత్ర శాతకర్ణి శాతవాహనుఁడు. సౌరాష్ట్రము జయించి వారివంశమే నిర్మూలించి, యాంధ్ర చక్రవర్తిత్వము మఱల నిలిపినవాఁడు.