2. శాతవాహనుఁడు

ఆంధ్రచక్రవర్తుల వంశమునకు శాతవాహన వంశ మని పేరు. దీపకర్ణి యను రాజు భార్య పాము కఱచి చనిపోయినది. అతఁ డామె యెడ నెడఁదవలన మఱలఁ బెండ్లి యాడలేదు. ఒకనాడు దుఃఖించుచుండ రాజునకు స్వప్నమునఁ గుల దేవత మఱునాఁడు వేటకు వెళ్ళుమనియు వెళ్ళినచో నచట సింహముమీఁద నొక బాలుఁడు కనుబడుననియు వానిని దెచ్చుకొని పెంచుకొను మనియుఁ జెప్పెను. అట్లే రాజు వెళ్ళఁగా సింహము, దానిపైన స్వారీచేయు బాలుడు కనఁబడిరి. సింహము బాలుని దింపి నీరు త్రాగుటకుఁ పోగా రాజు దానిని జంపుటకు బాణము వేసెను. అది గంధర్వుఁడై యీ క్రింది కథ జెప్పెను.