కవితలు బసవరాజు అప్పారావు గీతాలు 089. జేజేలు
89. జేజేలు
ఎవ్వ రను కున్నారొ ఎరగరా మీరు?
పాపాయి సాక్షాత్తు పరమాత్ముడండి!
తరతరాలా గొప్ప తపసు జేశాము
స్వామి నాటికినేడు వర మిచ్చినాడు!    ఎవ్వ...
ఎన్నో యుగాలుగా విన్నవించాము
ఇన్నాళ్ళ కీనాడు విన్నాడు మనవి!    ఎవ్వ...
వేదాద్రినాథుడే వెలిసి నాయింట
ఉయ్యాలతొట్టెలో ఊగుతున్నాడు!        ఎవ్వ...
చేతులెత్తండోయి జేజే లనండోయ్‌
నరసింహదేవుడే నాచిట్టితండ్రోయ్‌
ఎవ్వ రను కున్నారొ ఎరగరా మీరు?
పాపాయి సాక్షాత్తు పరమాత్ముడండి!
AndhraBharati AMdhra bhArati - kavitalu - basavarAju appArAvu gItAlu - 089. jEjElu - basavarAju appArAvu geetaalu - Basavaraju Appa Rao - Basavaraju Apparao geeyamulu gEyAlu geeyaalu geeyAlu paatalu pATalu - telugu kavitalu - tenugu andhra ( telugu andhra andhrabharati )