 |
    |
    |
 |
    |
    |
 |
 |
ఇతిహాసములు | ఉత్తరరామాయణము | రాముండు కుశలవులకుఁ బట్టము గట్టుట |  |
రాముండు కుశలవులకుఁ బట్టము గట్టుట
| కం. | కోసలకన్యాసుతుఁ డిటు లాసించిన యట్టిప్రజల నలరించి కృపన్ గోసలదేశమునకుఁ బతిఁ జేసెఁ గుశు విపక్షకరటిశిక్షాంకుశునిన్ | 236 |
| కం. | లవు నంఘ్రిద్యుతిజితప ల్లవు నంగవిలాసవిభవలజ్జితరతిప ల్లవు నుత్తరకోసలమున కవనీశ్వరుఁ డధిపుఁ జేసె నార్యులు మెచ్చన్ | 237 |
| ఆ.వె. | ఇటుల దొరలఁ జేసి యిద్దఱుసుతులకుఁ బ్రేమ నిచ్చినట్టిభూములందు రావణాహితుఁడు కుశావతి యనుప్రోలు శ్రావితాఖ్యపురము సంఘటించె | 238 |
| ఉత్సాహ | దేవతా సరిత్సరోజ వేదివ న్మరాళ సం భావితాభ్ర విభ్రమభ్రమ స్ఫురత్ సురేశ్వర గ్రావబద్ధ గోపుర ప్రకాశముల్ కుశావతీ శ్రావితాభిధాన సత్పురంబు లొప్పె నెంతయున్ | 239 |
| చం. | పురయుగ మిట్లొనర్చి యటఁ బుత్త్రులఁ బంపెడువేళ రాఘవుం డిరువురకున్ సమానముగ నిచ్చె రథేభభటాశ్వపంక్తులన్ గరుణఁ గనుంగొనెన్ జనకకన్యఁ దలంచి కవుంగిలించి త చ్ఛిరములు మూర్కొనెన్ నయవిశేషము లెల్ల దలంచి ప్రేముడిన్ | 240 |
| చం. | ఇనకులభర్తచేఁ దనయు లిట్లుపలాలితులై తదంఘ్రియు గ్మనఖవిభల్ స్వఫాలఫలకప్రలసద్ఘనసారరేఖలన్ జెనకఁగ మ్రొక్కి దీవనలు సేకొని వీడ్కొని బాష్పపూర్ణ లో చను లయి పోయి రవ్విభుఁ డొసంగిన చోట్లకు సైన్యసంగతిన్ | 241 |
|
 |
|