 |
    |
    |
 |
    |
    |
 |
 |
ఇతిహాసములు | ఉత్తరరామాయణము | శ్రీరామచంద్రుఁడు మునుల నెదుర్కొని సత్కరించుట |  |
శ్రీరామచంద్రుఁడు మునుల నెదుర్కొని సత్కరించుట
| ఉ. | బంగరుకొండనుండి దిగు బాలదివాకరు లీల రాముఁ డు త్తుంగమణీమయాసనముఁ దోరపు వేడుక డిగ్గి యంగ ము ప్పొంగ మహర్షులం గదియఁ బోయి నమస్కృతు లాచరించి భ క్తిం గరముల్ మొగిడ్చి తొడితెచ్చి సభాంతర రత్నవేదికన్ | 90 |
| చం. | కుశమృగ చర్మ సంకలిత కోమల కాంచనరత్న పీఠులం గుశికసుతాత్రి కణ్వ భృగు కుంభజ ముఖ్యుల నుంచి పూజనా తిశయవిశేష గౌరవ విధేయగుణంబుల నింపొనర్చుచున్ దశరథనందనుం డను నదభ్రనవాభ్ర నదభ్ర మార్భటిన్ | 91 |
| మ. | కుశలంబే మునులార! శిష్యులకు మీకున్, శిష్యసంఘం బహ ర్నిశమున్ సేవలు సేయునే తపములున్ నిర్విఘ్నతన్ సాగునే కుశపర్ణాంబుఫలాదు లబ్బునె వనక్షోణిన్ మిముం జేరి దు ర్దశ లెవ్వారును జేయకుందురు గదా తథ్యంబుగాఁ దెల్పరే | 92 |
| మ. | భవదాశీర్మధువైభవంబునఁ గదా ప్రాప్తించు మాదృగ్భుజా భవదావంబు యశః ప్రతాపసుమశుంభత్పల్లవంబుల్ మహా భవదాహంబు శమించు మీ పదజల ప్రాశంబునం బద్మభూ భవదామోదరు లైన మీ రలిగినన్ భాషింపఁగా శక్తులే | 93 |
| సీ. | ఊరుభాగమున భూభార మిమ్ముని దాల్చె - బ్రహ్మయష్టినె యత్తపస్వి పూనె నల త్రిమూర్తులఁ బుత్త్రకులుగ నియ్యతి గాంచె - నలిగి వారల నమ్మహర్షి తన్నె భువనసృష్టికి మాఱు పుట్టించె నిమ్మౌని - పూని యాయనమ్రింగె భువనరాశిఁ దన యోగమహిమ నిత్తపసి క్రోధుజయించె - నడుఁగ కుగ్రత నుగ్రు నతఁడు గెలిచె | |
| గీ. | యోగమహింబులను మెచ్చ రొకరి నొకరు యోగమన్నను నవ్వుచు నుందురెపుడు వింటి మీ చర్య లెద మెచ్చుకొంటి నిత్య హర్షులను మిమ్ముఁ గంటి మహర్షులార! | 94 |
| వ. | అని యదంభగంభీరవచోనిగుంభనం బొగడు నక్కుంభినీసుతాధీశ్వరునితోఁ గుంభసంభ వాదులిట్లనిరి. | 95 |
|
 |
|