 |
    |
    |
 |
    |
    |
 |
 |
ఇతిహాసములు | ఉత్తరరామాయణము | రావణాసురుండు సేయు లోకోపద్రవచర్యలు వర్ణించుట |  |
రావణాసురుండు సేయు లోకోపద్రవచర్యలు వర్ణించుట
| మ. | ఇనవంశోత్తమ! వింటె! పంక్తివదనుం డీ లాగు కైలాసవా సునిచే మన్ననఁగాంచి పొంగుచుఁ బ్రహస్తుండాదియౌ సైనికుల్ దనుఁ గొల్వంజని హేమకూటహిమవత్ప్రాంతంబులన్ గంధమా దననీలాచల పారియాత్రముల మీదం గ్రీడ సల్పెన్ రహిన్ | 98 |
| వ. | మఱియును | 99 |
| సీ. | చరియించు నొకవేళ జంబూనదీతీర - సౌవర్ణ వాలుకా స్థలములందు విహరించు నొకపూఁట వేల్పురాతోఁటలఁ - బొదలు గొజ్జఁగి పూవుఁబొదలయందుఁ గ్రీడించు నొకతఱిఁ గేసరశ్వేతాంజ - నాద్యద్రిరాడధిత్యకలయందు నలరు నొక్కెడఁగేళి నరుణోదమానస - ప్రముఖ దివ్య సరోవరములయందు | |
| గీ. | నన్నెలవులందు మెలఁగెడు నమరఖచర యక్ష కిన్నర సిద్ధ విద్యాధరాప్స రోభుజంగాదికులు మహాక్షోభ మొంది తన్నుఁ గనుఁగొని పాఱ నద్దశముఖుండు | 100 |
| సీ. | పట్టణం బనరాదు కట్టాయితంబుగా - నట్టెముట్టడి చేసి చుట్టు విడియు బలవంతుఁ డనరాదు బలియుఁడై యెంత ద - వ్వులనున్న వడినేఁగి గెలిచివచ్చు సురజాతి యనరాదు కరమల్గి యెటు సన్నఁ - జననీక శస్త్రాస్త్రసమితి నొంచు ధరణీశుఁ డనరాదు తనకు నోడితి నన్న - దాక నీరసమున వీఁకఁజూపుఁ | |
| గీ. | బ్రాయఁపు నెలంత యనరాదు పాపమునకు భయపడక యెట్టులైనను బట్టి కలయు నర్హవస్తువులటఁ గల వనఁగరాదు దుడుకుమైఁ జొచ్చికొని తెచ్చు దుష్టుఁ డతఁడు | 101 |
|
 |
|