 |
    |
    |
 |
    |
    |
 |
 |
ఇతిహాసములు | ఉత్తరరామాయణము | రావణుఁడు యమునిభటులఁ బరిభవించుట |  |
రావణుఁడు యమునిభటులఁ బరిభవించుట
| ఆ.వె. | ఇటుల నిరయగతుల నెల్ల విముక్తులఁ జేసి వారు హాయి సెంది పొగడ విక్రమింపఁ గడఁగు వింశతిభుజుఁజూచి శమనభటులు నీరసమునఁగెరలి | 331 |
| మ. | పరిఘాసిక్షురికాపరశ్వధగదా ప్రాసాది నానాయుధో త్కరముల్ పూని దశాస్యు పుష్పకము మీఁదం బెల్లు గావించి హుం కరణంబుల్ గఠినాట్టహాసములు టంకారధ్వనుల్ మీఱ, భీ కరులై యొక్కటఁ జుట్టుముట్టుకొని మార్గంబున్ నిరోధించినన్ | 332 |
| మ. | దనుజాధీశుని మంత్రు లజ్జముని భృత్యశ్రేష్ఠులన్ బిట్టు మా ర్కొని తత్సాధనముల్ దళించుటయు, సక్రోధాత్ములై శూలముల్ గొని వారున్ బ్రతిపక్ష సైనికుల వక్షోదేశముల్ గ్రుమ్మి యా ర్చిన నీలాచల నిర్ఘరంబులనఁ బాఱెన్ గ్రొత్తపెన్నెత్తురుల్ | 333 |
| కం. | నెత్తుట జొత్తిల్లియుఁ బలు మొత్తములై రాక్షసులు జముని భృత్యులకున్ జిత్తమ్ముల నుత్తలముం దత్తఱమును హత్తుకొన రణంబులు సేయన్ | 334 |
| చం. | సమముగఁ బోరు నద్దనుజసైనికులం దెరలించి కింకరో త్తములు పయోదముల్ సలిలధారలఁ గాటుకకొండఁగప్పు చం దమున దశాస్యుమేను శరధారలఁ గప్పిన ఫుల్లకింశుక క్రమమున రక్తసిక్తుఁడయి క్రౌర్యము శౌర్యము ధైర్యమున్ దగన్ | 335 |
| చం. | ఇరువది చేతులన్ వివిధహేతితతుల్ గొని యొక్కవెట్ట, కిం కరులపయిన్ నిగిడ్చినఁ గకాపిక లై రొకకొందఱందు నొ చ్చిరి యొకకొంద ఱంత హతశేషులు క్రమ్మఱ డాసి పంక్తికం ధరుమెయి ముంచి రస్త్రములఁ దమ్మతఁ డద్భుత మంది చూడఁగన్ | 336 |
| కం. | ఇక్కైవడి రక్కసునకు వెక్కసముగఁ దొడరు జముని వీరభటులతో నుక్కున మార్కొని పోరఁగ నొక్కరుఁడున్ గలుగఁ డసుర యోధులలోనన్ | 337 |
| ఉ. | అప్పుడు రావణాసురుఁడు యామ్యభటాస్త్ర పరంపరల్ దనుం గప్పినఁ గంకటం బవిసి గాత్రము భేదిల నొచ్చి కన్నులన్ నిప్పులు గుప్పలై యురల నేలకు డిగ్గి తదీయశౌర్యముల్ డెప్పరమైన సైపఁక వడిన్ విలుపూని గుణంబు దీటుచున్ | 338 |
| మ. | తపనాది గ్రహముల్ కదధ్వగతిఁ జెందన్ వేలుపుం బెద్ద మి ట్టిపడన్, భోగివరుండు డీలుపడ దంష్ట్రిస్వామియుం ద్రెళ్ళ స ప్తపయోధుల్ గలఁగన్ గులాద్రులు చలింపన్ దారకల్ డుల్లఁబా శుపతాస్త్రం బరిపోసి యంతకభటుల్ స్రుక్కన్ బ్రయోగించినన్ | 339 |
| మ. | బహుశక్తుల్ బహుతోమరంబులు బహుప్రాసాదిశస్త్రంబు ల మ్మహనీయాస్త్రమునన్ జనించి పొగలున్ మంటల్ సెలంగన్ మహా గహనంబున్ దహియించుదావశిఖిరేఖన్ మిత్త్రభూభృత్యులన్ దహియించెన్ నిమిషంబులో భువన మత్యాశ్చర్యమున్ బొందగఁన్ | 340 |
| గీ. | ఇటులు యమభటకోటుల నేపడంచి చటుల మగు తచ్ఛరం బుపసంహరించి పురము లేర్చిన ఫాలాక్షుఁ బోలి యట్ట హాస మొనరించె నతఁడు సంయమని బెదర | 341 |
| ఉ. | ఇంతయుఁ జూచుచున్న భటు లేఁగి కృతాంతునితోఁ బరాకు! దు ర్దాంత పరాక్రమక్రమ ధురంధరుఁ డద్దశకంధరుండు నేఁ డెంతయు మించి, పాతకుల నెల్ల విముక్తులఁజేసి యుద్ధ వి భ్రాంతులు గాని కింకరులఁ బాశుపతంబునఁ ద్రుంచినాఁడనన్ | 342 |
| కం. | కటతటు లదరఁ బటుభ్రూ కుటి నిటలస్థలి నటింప గొప్ప మిడుఁగుఱుల్ చిటచిటఁ గన్నులఁ జెదరఁగఁ గిటకిట రదనములు బెట్టు గీటుకొను క్రుధన్ | 343 |
| కం. | క్రూరుండై శమనుఁ డుఱక తేరకు మద్వీరభటులఁ దెగటార్చిన య వ్వైరి నిఁకం దెగఁ జూచెద సారథి! మనరథము దెమ్ము చయ్యన ననఁగన్ | 344 |
|
 |
|