 |
    |
    |
 |
    |
    |
 |
 |
ఇతిహాసములు | ఉత్తరరామాయణము | యముఁడు రావణునిపైకి యుద్ధమునకుఁ బోవుట |  |
యముఁడు రావణునిపైకి యుద్ధమునకుఁ బోవుట
| కం. | తోరపు లత్తుక చాయల వారువములు గట్టి మహిషవరకేతువు చె ల్వార సమకట్టి తే రా సారధి గొనితేర నెక్కి సంరంభమునన్ | 345 |
| సీ. | క్రోధపావకుఁ డుండు కుండంబు లన నేత్ర - గోళముల్ మంటలఁ గ్రుమ్మరింపఁ గులిశంబు చతురాకృతులఁ గాంచె నా మించు - దంష్ట్రలఁ గలసి వక్త్రంబు వెలుఁగ ద్వాదశద్వాదశాత్మల తేజ మొకటైన - గతి దుర్నిరీక్ష్య ప్రకాశ మెసఁగఁ బ్రళయకాలాభీల పాథోధరము లీలఁ - దాళమహోత్తాళ తనువు గ్రాలఁ | |
| గీ. | గాలదండంబు పాశంబు గాలమృత్యు వగ్నిమయముద్గరము దక్కు నాయుధములు మూర్తులు ధరించి నిజరథంబున వెలుంగ దశముఖుని మీఁది కరుదెంచె దండధరుఁడు | 346 |
| వ. | అప్పుడు | 347 |
| సీ. | ప్రళయార్క బింబంబు పగిది భూరిప్రభా - రాజితం బగు దివ్య రథముఁ జూచి సంవర్తసమయ ప్రచండానల జ్వాల - లం బూనుకాలదండంబుఁ జూచి కాలపాశంబు ముద్గరముఁ గైకొని మ్రోలఁ - దులకించు కాలమృత్యువును జూచి కల్పాంతభైరవ క్రౌర్యం బకాలంబు - నందె చూపఁగఁ బూను యమునిఁ జూచి | |
| గీ. | యతని యాకారమును జూచి యదరి బెదరి చెదరి పదములు దడఁబడ నుదరిపాటు గదురఁ బదురుచు నెదఁ దాల్మి గుదురు పఱుపఁ జాల కసురులు వఱచి రిక్ష్వాకుతిలక! | 348 |
| చం. | సహచర హుంక్రియోగ్ర మహిష ప్రవరోత్కర కంఠ ఘంటికా బహుళఘణంఘణధ్వనులు పార్శ్వ సమాగతకింకరాగ్రణీ కహకహ ఘోషముల్ తురగ కల్పితహేషలు చండమారుతో పహత పతాకికార్భటు లభంగుర చక్రరవంబు లొప్పఁగన్ | 349 |
|
 |
|