 |
    |
    |
 |
    |
    |
 |
 |
ఇతిహాసములు | ఉత్తరరామాయణము | రావణుఁడు వరుణపురిమీఁది కేఁగుట |  |
రావణుఁడు వరుణపురిమీఁది కేఁగుట
| మ. | చని కైలాసనగాధిరాజ తులిత స్వచ్ఛప్రభాదీప్రమై ఘన వప్రంబు వెలుంగఁ జూచి యిదియే కాఁబోలుఁ గాండాధినా ధుని ప్రోలంచుఁ దదీయగోపురమునందుం జేరి తద్రక్షకుల్ విన లంకాపురనాయకుం డనియెఁ బ్రావృట్కాలమేఘార్భటిన్ | 389 |
| ఉ. | ఏ దశకంఠనామదనుజేంద్రుఁడ సంగరకాంక్ష వచ్చితిన్ మీ దొరతో గదింపుఁడిది మీరయి మమ్మెదిరింప నోపినన్ గాదన నేఁగుదెం డనుచు గ్రక్కున లోపలికేఁగి యందు క్షీ రోదధిఁబోలు వెల్ల మొద వొక్కటి గన్పడఁజూచి మ్రొక్కుచున్ | 390 |
| సీ. | కల్పకసురరత్న కమలాసుధాకరా - దికులతోఁ బొడమిన దివ్యమూర్తి వాఁకలి గొన్న దేవాళికిఁ దృప్తిగా - నమృతంబు గురియు స్నేహార్ద్రమతివి స్తనవిస్రవత్పయోధారఁ బుట్టినయిల్లు - పాలవెల్లిగఁజేయు భాగ్యవతివి కోరిన వారికిఁ గోర్కు లవ్వారిగా - దయ నిచ్చునసమాన దానవతివి | |
| గీ. | ఇన్నిట జనించు కీర్తిపైకొన్న లీల ధవళరుచి మించు మొదవుల తల్లి విట్టి నిన్నుఁ గనుఁగొంటి శుభములు నేను గంటి ననుచు సురభికి వలగొని యసురవిభుఁడు | 391 |
| ఉ. | అచ్చటి ద్వారపాలకుల నందఱ మ్రందఁగఁ జేసి వీటిలోఁ జొచ్చి రణేచ్ఛరా వరుణసూను లెఱింగి యభంగురక్రుధన్ వచ్చి విరోధిసైనికుల వాలికతూపుల ఖడ్గధారలన్ వ్రచ్చి రథాశ్వదంతి భటవర్గముతో వెసఁబేర్చి యార్చినన్ | 392 |
| శా. | ఆ ధూమ్రాక్ష మహోదరప్రముఖదైత్యామాత్యు లత్యుగ్ర బా హాధిన్యస్త కృపాణ ముద్గర కుఠారాద్యాయుధశ్రేణిఁ బా ధోధీశాత్మజ దంతి వాహభటులం దున్మాడి కాలాభ్రగ ర్జాధిక్కారిఘనాట్టహాసముల దిక్చక్రంబు భేదించినన్ | 393 |
|
 |
|