 |
    |
    |
 |
    |
    |
 |
 |
ఇతిహాసములు | ఉత్తరరామాయణము | రావణుండు వరుణసుతులతో సమరంబు సేసి గెల్చుట |  |
రావణుండు వరుణసుతులతో సమరంబు సేసి గెల్చుట
| మ. | ఉపలక్షించి పయోధినాథసుతు లోహో! నిల్వుఁడం చాసురా ధిపసేనానుల నిల్వరించి యసిపంక్తిన్ నొంచి తేరుల్ పయో దపథంబంటి చరింపఁజేసి బహుమార్తండ ప్రభల్ మీఱఁదో రపుఁగోపంబునఁ బంక్తికంఠుని శరీరం బమ్ములన్ ముంచినన్ | 394 |
| శా. | ఆ శౌర్యంబు మహోదరుండు గని యీర్ష్యన్ మించి విన్వీథి కెం తే శీఘ్రంబున నుద్గమించి పటుశక్తి స్ఫార సర్పోగ్ర బా హాశుంభత్పరిఘ ప్రహార పరుష వ్యాపారముల్ సూపె న ప్పాశిప్రోద్భవ సూతరథ్య రథముల్ భగ్నంబులై కూలఁగన్ | 395 |
| చం. | అరదములున్ హయంబులు, నియంతలుఁ గూలిన బీఱు వోవక వ్వరుణసుతుల్ ప్రభావమున వాయుపథంబున నిల్చి భూనభోం తరములు మ్రోయఁ గార్ముక గుణంబులు దీటుచు నమ్మహోదరున్ శరముల నొవ్వ నేసి వివశత్వము నొందగఁజేసి రీసునన్ | 396 |
| వ. | మఱియును | 397 |
| చం. | అశని సమూహముల్ గురియు నంబుదసంఘములో! మహోష్ణక ర్కశకరముల్ నిగుడ్చు లయకాల విభాకరమూర్తులో! యనన్ నిశితశర ప్రకాండము లనేకము లొక్కట నించి నొంచి ర ద్దశముఖు నాతడుం బ్రకటిత భ్రుకుటీకుటిలేక్షణోగ్రుఁడై | 398 |
| శా. | జ్యాభూరిధ్వను లాకసంబుఁ బగిలించం బాశహస్తప్రజల్ క్షోభించన్ శరశూలముద్గరగదా కుంతాది శస్త్రోత్కరం బాభీలోద్ధతిఁబైపయిన్ నిగుడ జేయన్ మర్మముల్ గాడ నెం తో భీతిల్లి పదాతులై ధరణి కా వ్యోమాధ్వగుల్ డిగ్గినన్ | 399 |
| మ. | అవలోకించి హసింపుచున్ దశముఖుం డాహా! ననున్ మించిపో వ వశంబే? సుతహీనుఁజేసెద నిఁకన్ వార్ధీశుఁ గల్పాంతవా యువు బారిం బడినట్టు లైతిరి గదా! యొండేల? ప్రాణంబు లా స విసర్జింపుఁ డటంచు వారలపయిన్ సైన్యంబులం బంచినన్ | 400 |
| తే.గీ. | ఆ బలంబులు శస్త్రాస్త్రహతుల నొంప బడలి వరుణుని కొడుకులు పుడమిఁబడిరి యనుచరుల్ గొనిపోవ గేహములు సేరఁ జూచియార్చుచు రావణాసురుఁడు వలికె | 401 |
| కం. | శరధులు గలిగియుఁ గాండ స్ఫురణకు దొరయైనవాని పుత్త్రకు లయ్యున్ బరసేనలు వెనుసఱచుచుఁ బఱతేరఁగఁ బాఱిపోవఁ బాడియె మీకున్ | 402 |
| కం. | బలము సెడి నీళ్ళకంటెను బలుచనయైతి రిఁక మిమ్ము బాధింపఁగరా దిలుసేరి తండ్రినైనం గలనికిఁ బనుపుఁడని బెట్టుగా నతఁ డనఁగన్ | 403 |
| కం. | ఆ మాటలఁ బఱచుచు వరు ణామాత్యుండగు ప్రభాసుఁడాలించి పటు స్థేమమున నిలిచి దనుజ గ్రామణి విన నిట్టులనియె ఘనవాక్ప్రౌఢిన్ | 404 |
| మ. | అసురాధీశ్వర! యీడ లేఁడు వరుణుం డబ్జాసనుం గొల్వఁబో యె సమానుం డగునే నినుందొడర? నీ వీరేడు లోకంబులం దసమానుండవు నీ ప్రతాపమున కీ యంభోధిరాట్పుత్త్రపౌ త్త్రసుహృత్పుంగవు లోడి రాతఁడిక వేఱా? బుద్ధినూహింపుమా! | 405 |
| కం. | వరుణ సహస్రము వచ్చినఁ దరమే నిను గెల్వ ననిన దశముఖుఁ డుత్సా హరసోన్నతి నార్చుచు న ప్పురి వెలువడి చనియెఁ దూర్యముల రొద లెసఁగన్ | 406 |
| కం. | అని కలశజుఁ డెఱిఁగించిన విని రామస్వామి యవల వింశతిబాహుం డనిఁ గోరి యెచటి కరిగెనొ? యనఘా! వినవలతుఁ దెలుపుఁడని యడుగుటయున్ | 407 |
|
 |
|