 |
    |
    |
 |
    |
    |
 |
 |
కావ్యములు | పారిజాతాపహరణము - ముక్కు తిమ్మన | తృతీయాశ్వాసము |  |
| అప్సరసలు హర్మ్యము లెక్కి శ్రీకృష్ణుని దర్శించుట | ||
| ఉ. |
అప్పుడు శౌరిఁ జూచు ప్రమదాతిశయంబు హృదంతరంబులం జిప్పిల సంభ్రమించి కయిసేయు తెఱం గయథాతథంబు గాఁ గుప్పనఁగూరి యొండొరులఁ గూడఁగ నీక కడంగి వేలుపుం గప్పురగందులెక్కిరి ధగద్ధగితోన్నత హర్మ్య రేఖల\న్. |
11 |
| చ. |
అలఁదిన చందనంబు వృథ యౌఁజెమరింపఁగ, సమ్మదాశ్రుల\న్ దొలఁచినయట్లు వోయెడుఁ గనుంగవ కాటుక, పేటు లెత్తుఁ జె క్కుల మకరీవిలాసము గగుర్పొడువ, న్హరిఁ జూచువేళనో చెలి! కయిసేయకమ్మ! యని చేడియ యొక్కతె పిల్చె నెచ్చెలి\న్. |
12 |
| చ. |
వనిత యొకర్తు మున్కొని గవాక్ష తలంబున నింతులుండుటం గనుఁగొనఁ జోటు లేమి నొక కార్యముపేరిట బాలనోర్తు వం చనఁ దొలఁగంగఁ బిల్చి రభసంబునఁ దత్సతిజాలకంబు చే కొని హరిఁజూచెఁ గేకిసలు గొట్టుచు బోటులు దాని నవ్వఁగ\న్. |
13 |
| ఉ. |
కాళియభేదిఁ జూచు తమకంబున మజ్జన మాడియాడి నీ లాలక యోర్తు గంధ సలిలార్ద్ర కచంబులు చన్నుదోయిపై వ్రాలిన సందిటం బొదివి రాజపథంబున కేఁగుదెంచె గో పాలకమూర్తిఁ గాన శిఖిబర్హము కానుక దెచ్చెనో! యన\న్. |
14 |
| ఉ. |
ఉన్నతసౌధ మెక్కి యనృతోదరి యొక్కతె పద్మనాభుఁ జూ డ న్నిజదేహవల్లికఁ గడల్కొను సాత్త్వికలీలఁ జూచు నా సన్న సఖీజనంబు గని సౌధశిఖా గమనశ్రమంబునం గన్నియలార! మేన్బడలెఁ గంటిరె! నాకని బొంకె నేర్పున\న్. |
15 |
| ఉ. |
వేడుక నీకె కాని మఱి వేఱొక యింతికినైన లేదె? త్రో పాడెదవేలె? మచ్చర మొకప్పుడు మానక పోయి తీవు, పె\న్ బ్రోడవు గాన నిన్నె కనుఁబో! యతఁ డెవ్వరిఁ జూడఁ డంచు నో నాడె సపత్ని నొక్కతె మురారిఁ గనుంగొనువేళ నీసున\న్. |
16 |
| చ. |
అలికులవేణి యొక్కతె మురారిఁ గనుంగొని మ్రానుపాటు మై నెలకొని యున్నచో సడలునీవిక లేఁజెమ రంటి నిల్చె నం జలి పరిపూర్ణ లాజలను సాధ్వస కంపము దాన చల్లె న చ్చెలువకు సాత్త్వికోదయము చేసిన మేలిఁకనేమి చెప్పుదు\న్. |
17 |
| క. |
మదవతి యొకతె పరాకునఁ బదాంగదము కంకణముగఁ బాణిఁ దొడిగె న య్యదువల్లభుఁ గనుగొనుచోఁ దుది నదియును మేను వొంగి తుత్తుము రయ్యె\న్. |
18 |
| చ. |
దనుజవిరోధి మీఁద నొకతన్వి కరంబున లాజ లెత్తి చ ల్లిన నెఱివేణి యీసున బలె న్విరిపూవులఁ జల్లెఁ, జల్లె లో చనములు సమ్మదాశ్రువులఁ, జల్లె లలాటము ఘర్మబిందువుల్ చనుఁగవ చల్లె సంభ్రమవశ త్రుటితామల మౌక్తికాదుల\న్. |
19 |
| చ. |
జలరుహనేత్రుఁ గాంచి సరసత్వము మీఱఁగ నొక్క వేలుపుం జిలుకలకొల్కి రాచిలుకచేఁ బిలిపించిన, సత్యభామ కా కలికితెఱంగు శౌరి కడకన్నులసన్నలఁ జూపెఁ గోప కం దళ కలుషాయి తాక్షి వలనంబుల నాసతి ద న్నదల్పఁగ\న్. |
20 |
| క. |
అనిమిషపుర జాలకములు వనితా జనితా మయములు, వనితల హృదయం బనురాగ రసమయం, బ య్యనురాగము శౌరిమయము నయ్యెడ నయ్యె\న్. |
21 |
| చ. |
కనుఁగొన వేడ్కలం బొడము కాయ్వుల నచ్చర లీసడించుటల్ వినుచు దరస్మితం బొలయ వెన్నుఁడు రాజపథంబుదాఁటి య య్యనిమిషనాథు గేహ బహిరంగణ భూస్థలి డిగ్గె వైనతే యుని మణిచిత్ర వేత్రకర హుంకృతి దిక్కులు పిక్కటిల్లఁగ\న్. |
22 |
| క. |
ఆదరమున శతమన్యుఁడు కైదండ యొసంగ యామకరి దాన ఝరీ మేదుర కక్ష్యాత్రితయము నా దనుజవిరోధి గడచి యటఁ జని యెదుట\న్. |
23 |
|
 |
|