 |
    |
    |
 |
    |
    |
 |
 |
కవితలు | దాశరథి కవితలు | అగ్నిధార |  |
| 23. రారమ్ము! | |
|
మనసు క్రోధాన బండవారినపు డెల్ల కనికరపు వాన జల్లుతో కదలి రమ్ము! స్వాంతమందు కారుణ్యంబు సడలు నెడల అమరగానముతోడ న న్నరసి పొమ్ము! | |
|
దేశ సేవా మహామోఘ దీక్షలోన అలసి, సొలసి, అశాంతితో కలత జెంది పెను చిరాకున గాభరా గొనెడువేళ రమ్ము విశ్రాంతితోడ, శాంతమ్ముతోడ! | |
|
ముగుద బిచ్చపుటెద ఇల్లు మూతవైచి ముసుగు సవరించి మూలన మూల్గునపుడు నా మహారాజ! రాజమానప్రభావ! తలుపులు తొలంగద్రోచి తొందరగ రమ్ము! | |
|
కోరికలు నా మనస్సును గ్రుడ్డిజేసి దుమ్ము పైబోసి నేలకు ద్రోయునపుడు నా ప్రణయమూర్తి! అంబువాహ ప్రకీర్తి!! మెరపుతోడ, ఉరుముతోడ, తరలిరమ్ము! | |
| (రవీంద్రుడు) | |
|
 |
|