 |
    |
    |
 |
    |
    |
 |
 |
కవితలు | దాశరథి కవితలు | రుద్రవీణ |  |
| 03. రససమాధి | |
|
పూవుల దారిలో యెడద పొంగులువార శరన్నిశా శశి శ్రీ వలపించు చెంగలువ చేడియ కన్నులలో ప్రవాళ రే ఖా విసరమ్ము తోచినటు కన్పడు నా అభినవ్య భావనా దేవీ ముఖాగ్రరక్తిమ కుదించుకొనెన్ కవితా ప్రపంచముల్. | |
|
నా కవితా లతాంతము తృణమ్ములలో నయినన్ సువాసనల్ ప్రాకెడిరీతి పూచినది; ప్రాతదనమ్మును త్రావి త్రేన్చి నా జూకగు క్రొత్తవాసనలు చూపిన దీ రసికాంధ్ర సాహితీ లోకమునందు నంతట తళుక్కను వెన్నెల వెండి తీవలన్. | |
|
రస సమాధిని తన్మయిత సుమనస్సు కాంచిన సురాంగనా కుచ కలశ లిప్త దివ్య కస్తూరికా నీల దీప్తిలోన గగనములు నృత్యమొనరింప గలవు కాదె! | |
|
అశ్రు బిందువు లందున విశ్రమించు సప్త జలధి సంఘమ్ములు శక్తికొలది హసిత చంద్రుని కని, పెంచి ఆకసమున పెద్ద జేసిన దీ జగంబే హసింప! | |
|
 |
|